БОХТАР. Дар доираи Соли шинохти бештари манфиатҳои миллӣ. Дар ташкилоти ибтидоии “30-солагии Истиқлолияти давлатӣ” дар мавзӯи “Ҷавонон, интихобот ва манфиатҳои миллӣ” вохӯрӣ доир гардид.
Дар маҷлиси мазкур роҳбари намояндагии ТҶҶ “Созандагони Ватан” дар шаҳри Бохтар, донишҷӯёни Коллеҷи тиббӣ – иҷтимоӣ иштирок дошта, қайд гардид, ки Ҳукумати Ҷумҳурии Тоҷикистон, махсусан Президенти Ҷумҳурии Тоҷикистон муҳтарам Эмомалӣ Раҳмон, ки ҳамзамон Раиси муаззами ҲХДТ мебошанд, ташаббусу пешниҳодҳои созандаи ҷавононро ҳамеша дастгирӣ карда, барои амалӣ гардонидани онҳо имкониятҳо фароҳам меоранд. Дар баробари ин, ҷавонони мо дар дохил ва хориҷи мамлакат дар бахшҳои мухталиф таҳсил карда, соҳиби касбу ихтисосҳое шуда истодаанд, ки барои кишварамон зарур мебошанд.
