ТЕМУРМАЛИК. Дар доираи Соли шинохти бештари манфиатҳои миллӣ. Вохӯрии кормандони Кумитаи иҷроияи ҲХДТ дар ноҳияи Темурмалик дар ташкилоти ибтидоии Ҷамоати деҳоти “Саидмӯъмин Раҳимов” вобаста ба таблиғу ташвиқи Барномаи ҲХДТ ва номзади ҲХДТ ба Маҷлиси Олии Ҷумҳурии Тоҷикистон ва маҷлиси маҳаллии вакилони халқ дар ҳудуди участкаҳои интихоботии ноҳияи Темурмалик баргузор гардид.
Роҳбарияти Кумитаи иҷроия оид ба баррасии муҳтавои Паёми навбатии Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон ва маҷлисҳои маҳаллии вакилони халқ суханронӣ намуда, зикр кард, ки интихобот - ифодаи иродаи халқ буда, дурусту одилона шафоффу демократӣ баргузор гардидани интихобот барои ҳар як шаҳрванд шарти аслии рушду инкишоф ва суботи он мебошад.
