Н. ХУСРАВ. Дар доираи Соли шинохти бештари манфиатҳои миллӣ. Дар ташкилоти ибтидоии “Ҳамро Олимов”-и ноҳияи Носири хусрав вобаста ба таблиғу ташвиқи Барномаи ҲХДТ ва номзадҳои он ба Маҷлиси Олии Ҷумҳурии Тоҷикистон ва Маҷлисҳои маҳаллии вакилони халқ, дар ростои «Соли шинохти бештари манфиатҳои миллӣ» суҳбату вохӯриҳо баргузор гардид.
Намояндагони ҳизбӣ зимни суханронӣ қайд намуданд, ки вобаста ба ҳадафҳои барномавии ҲХДТ , таҳкими заминаҳои конститутсионии давлат ва ҷомеа, ҳифзи манфиатҳои миллӣ, соҳибихтиёрӣ ва тақвияти пояҳои давлати демократӣ, ҳуқуқбунёд ва дунявию иҷтимоӣ аз ҷумлаи ҳадафҳои асосии ҲХДТ ба шумор рафта, ҲХДТ ба як нерӯи тавоно ва созандаи ҷомеа мансуб буда, ҳамчун қувваи пешбаранда ва пешоҳанги ҷомеа дар кишварамон шинохта шудааст.
