КӮЛОБ. Дар доираи Соли шинохти бештари манфиатҳои миллӣ. Бо мақсади шарҳу тавзеҳи Паёми навбатии Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон инчунин, вобаста ба муаррифӣ намудани Барномаи пешазинтихоботии ҲХДТ ва иштирок намудан дар маъракаи муҳимми сиёсӣ, яъне интихоботи парлумонӣ дар ташкилоти ибтидоии “Сино” вохӯрӣ баргузор гардид.
Сараввал масъулин ба сухан баромада, таъкид намуданд, ки Паём дастурамали муккамалест аз ҳадафҳои олии кишвар, ба хотири зиндагии дурахшони ҳар як шарванд мебошад. Тавре Пешвои миллат дар Паёми навбатии худ қайд намуданд: “Ҳадаф аз стратегияву барномаҳои қабулшуда, ки ҷараёни татбиқи онҳо дар Паёми имрӯза таҳлилу баррасӣ гардид, инчунин, мақсади ниҳоии қонунҳои қабулкардаи парламент, фармону амрҳои Президент ва қарорҳои Ҳукумати мамлакат аз он иборат аст, ки пешрафти давлат, ободии Ватан ва муҳимтар аз ҳама, баланд бардоштани сатҳу сифати зиндагии мардуми шарифи Тоҷикистон таъмин карда шавад”.
