ФАРХОР. Дар доираи Соли шинохти бештари манфиатҳои миллӣ. Масъулини Кумитаи иҷроияи ҲХДТ дар ноҳияи Фархор бо мақсади шарҳу тавзеҳи Паёми Президенти Ҷумҳурии Тоҷикистон ба Маҷлиси Олӣ дар ташкилоти ибтидоии ҳизбии «Беморхонаи №4» хониши сиёсӣ баргузор намуданд.
Аз таъкиди Роҳбари давлат муҳтарам Эмомалӣ Раҳмон ёдовар шуданд: «Барои ҳар як давлат солимии аҳолии ҷомеа зарур мебошад. Аз ин рӯ, мо бояд халқамонро солим нигоҳ дорем ва барои тандурустии он тамоми шароитро фароҳам оварем».
Вобаста ба ин табибонро зарур аст мардумро аз бемориҳои сироятӣ, махсусан ВНМО ва Гепатит С, ки тамоми дунёро ба ташвиш овардаанд, огоҳ созанд ва ҳамзамон кормандони соҳаи тандурустӣ сифати хизматрасониро ба аҳолӣ хубтар ба роҳ монда, савияи касбии худро баланд созанд.
