Барои ваҳдати миллӣ, сулҳу оромӣ, суботи сиёсӣ, созандагиву ободонӣ, рушди устувори иқтисодӣ ва зиндагии шоистаи мардум!

ХИЗМАТ ДАР САФИ АРТИШИ МИЛЛӢ ШАРАФ АСТ!

АНДЕША. Ҳифзи Ватан, ҳимояи манфиати давлат, таҳкими истиқлолият, амният ва иқтидори мудофиавии он вазифаи мукаддаси шаҳрванд аст. (Моддаи 43 Конститутсияи Ҷумҳурии Тоҷикистон)

Мафҳуми Ватан ва ватандӯстӣ барои ҳар як миллату қавмҳо хеле азиз буда, мазмуни хеле амиқ доранд. Ватан сарнавишту қисмати ҳар як инсон аст. Вақте мо калимаи Ватанро ба забон меорем, Модар пеши назар меояд  зеро агар модар моро ба дунёи ҳасти  оварда бошад. Ватан ба сарамон  дасти навозишкорона гузошта, барои идомаи зиндагӣ оғуш кушодааст. Ватан ифтихор, шаъну шараф ва сарвати бебаҳост.

Ватан дар баробари модар мукаддасоти  воло буда, дар сарнавишти инсон  нақши ҳалкунанда  дорад. Вақте мо дар бораи ватандӯстӣ сухан мегӯем, пеш аз ҳама  муҳофизати Ватан  пеши назар  меояд, ки Асосгузори  сулҳу ваҳдати миллӣ-Пешвои миллат муҳтарам Эмомалӣ Раҳмон  бо маврид қайд намудааст. «Барои насли наврас яке аз муҳимтарин мактаби  обутоби ҳаёт хизмат дар сафи Қувваҳои Мусаллаҳи мамлакат аст. Маҳз дар ҳаминҷо ҷавонписарон шуҷоату мардонагӣ омухта, муқадастарин арзиши ҳаёт- дӯст доштан ва содиқона муҳофизат кардани хоки поки Ватани азизро ёд мегиранд».

   Пешвои миллат муҳтарам Эмомалӣ Раҳмон борҳо таъкид менамояд, ки хизмат ба Модар-Ватан яке аз муҳимтарин вазифаҳои имониву виҷдонии инсони комил маҳсуб меёбад. Барои ҳар як фарди бедордилу худшинос, махсусан ҷавонон - неруи бузургу созандаи кишвар ҳар зарра хоки муқаддаси Ватан азизу муқаддас мебошад. Маҳз ба шарофати талошҳои пайваста ва ватандӯстонаи Пешвои миллат Қувваҳои Мусаллаҳи Ҷумҳурии Тоҷикистон таъсис ёфта, имрӯз ба як сохтори боэътимод ва неруи бузург табдил ёфтааст.

Мо бояд аз мактаби наслҳои  калонсол, сабақи ватандорию бунёдкориҳо омӯзем. Дустию рафоқат, ҳамкорию сабру таҳаммул, зиракии сиёсиву ҳусни тадбир, ватандӯстиву ватанпарастӣ, ифтихори миллӣ, донишандӯзиву худогоҳӣ бояд хислатҳои муҳимтарини ҷавонони мо бошад.

 

           Эй Ватан, эй кишвари озодаам,

          Ман зи модар баҳри ҳифзат зодаам.

          То ки бошам ҳамдаму ҳамрози ту,

          Гаштаам Модар- Ватан сарбози ту.

Тоҷикон аз шумораи он миллатҳоянд, ки  марзу буми худро хеле дӯст медоранд ва барои хасти он  ҷонисорӣ мекунанд. Ватан ин ҳамон қаламравест, ки дар тулии ҳазорсолаҳо аҷдодони мо  дар он сарзамин умр ба сар бурдаанд, бо як забон сухан гуфтаанд, шодию хурсандӣ, нолаю фиғон ва дарди дил кардаанд. Ватан ин ҳамон сарзаминест,  ки  ниёгони мо ҳар як ваҷаб хоки онро мукадас шуморида, барои ҳифзаш  бо  душманони миллат  ҷангидаанд, хун  рехтаанд, дар роҳи ҳифзи нангӯ номуси хеш шаҳид гардидаанд ва дар он қаламрави меҳрпарвар, ки имрӯз Тоҷикистон ном дорад, ба хоби абади рафтаанд.

      Ҷумҳурии Тоҷикистон ҳамчун давлати  мустақил субъекти ҳуқуқи байналмилалӣ буда, дорои Қувваҳои Мусаллаҳи худ мебошад. Бо мақсади  мудофиаи мамлакат Қувваҳои Мусаллаҳи Ҷумҳурии Тоҷикистон 23-феврвли соли 1993 таъсис дода, ӯҳдадории  ҳарбии  шаҳрвандони Ҷумҳурии  Тоҷикистон муаян карда шудааст.

Боиси ифтихор аст, ки  имрӯзҳо дар сафи Қувваҳои Мусаллаҳи  ҷумҳурӣ ҳазорҳо ҷавонони  аз ҷиҳати ҷисмонӣ обутобёфта, зираку чолок ва дорои тарбияи баланди ватандӯстиву ифтихори миллӣ сарбаландона адои хизмат мекунанд, ки бо неруи худ дар таҳкими сулҳу оромии кишварамон ҳиссаи муносиби хешро гузошта истодаанд. Хизмат дар сафи  Артиши миллӣ бояд қарзи виҷдон ва ҳаққи фарзандии ҳар як ҷавони далер бошад.

 Муҳофизати Ватан, муҳофизати обу хоки муқаддаси бобокалонҳои номовари мост, ки  заҳматҳои пайвастаи эшон Тоҷикистони азизи моро имрӯз ба ҷаҳониён муаррифи намудааст ва мо дар фазои осоиштаи он умр ба сар мебарем.

         Асосгузори сулҳу ваҳдати миллӣ–Пешвои миллат, Президенти Ҷумҳурии Тоҷикистон, Сарфармондеҳи Олии Қувваҳои Мусаллаҳи кишвар Эмомалӣ Раҳмон дар яке аз баромадҳояш  қайд намуд, ки “Ҳадаф аз ташкили Артиши миллии Тоҷикистон ин таъмини амният дар кишвар  ва муҳайё  сохтани фазои осоишта   ба мардуми ин диёр аст”. Пас эй ҳамватан биёед бо ҳам  сарҷамъ шуда,  баҳри ҳифзи марзу буми диёри аҷдодиямон камари ҳимат бандем!

Мо ҷавонон, низ ҳамаи  кушишу ғайрат ва корнамоиҳои Сарфармондеҳи  Қувваҳои Мусаллаҳи кишварамонро, ки дар роҳи бунёди давлати ҳуқуқбунёд саҳми беназир гузоштаанд пазирои намуда, тамоми нерӯи худро баҳри таъмини волоияти қонун ва таҳкими ҳокимияти судӣ дар ҷузъу  томҳои Қувваҳои Мусаллаҳ баҳри саркашӣ накардани ҷавонон аз хизмати ҳарбӣ ба харҷ хоҳем дод.

 

Насим Саидов, мудири шуъбаи кор бо ҷавонони КИ ҲХДТ дар шаҳри Кӯлоб

 

Суроғаи мо:

вилояти Хатлон

735140  шаҳри Бохтар

кӯчаи. Айни №47

Бинои маъмурии Кумитаи иҷроияи ҲХДТ дар вилояти Хатлон

 

Тамос:

Email: hkhdt_khatlon@mail.ru

Tel: (83222) 2-82-92
Fax: (83222) 2-12-12

 

Саҳифаи Кумитаи иҷроияи ҲХДТ дар вилояти Хатлон дар шабакаи ЮТУБ

afz5_0.jpg