А.ҶОМӢ. Дар доираи Соли шинохти бештари манфиатҳои миллӣ. Дар ташкилоти ибтидоии «Хуррамшаҳр» -и Ҷамоати деҳоти Калинини ноҳияи Абдураҳмони Ҷомӣ ҷиҳати расонидани муҳтавои Паёми Пешвои миллат муҳтарам Эмомалӣ Раҳмон ба Маҷлиси Олӣ, тарғибу ташвиқи Барномаи пешазинтихоботии ҲХДТ хониши сиёсӣ доир гардид.
Зимни вохӯрӣ масъулин қайд карданд, ки Пешвои миллат дар Паёми имсолаи худ дар бораи ҷавонон чунин иброз намуданд, ки “Насли ҷавони кишвари мо бо дарки масъулияти баланд, иродаи мустаҳкам, садоқату муҳаббати ватандорӣ, эътиқод ба арзишу муқаддасоти миллӣ ва ақлу заковати худ исбот намуд, ки роҳи интихобкардаи мо дар масири ватансозиву ватандорӣ дуруст мебошад”. Ҳамчунин, масъулин дар масъалаҳои беҳтар намудани сатҳи некӯаҳволии кишвар, оид ба баланд бардоштани ҳадди ақал ва ҳадди ниҳоии нафақа, дар бораи ҷалби шаҳрвандони аз 18 сола боло ба касбу ҳунаромӯзӣ, ташкил кардани ҷойҳои нави корӣ ва оид ба Барномаи пешазинтихоботии ҲХДТ суханронӣ намуданд.
Дар охири чорабинӣ масъулин аз сокинон даъват ба амал оварданд, ки дар маъракаи муҳими сиёсӣ -интихоботи дарпешистода фаъолона иштирок намоем.
