ТЕМУРМАЛИК. Дар доираи Соли шинохти бештари манфиатҳои миллӣ. Вобаста ба таблиғу ташвиқи Барномаи ҲХДТ ва шарҳу тавзеҳи Паёми имсолаи Пешвои миллат вохӯрии кормандони Кумитаи иҷроияи ҲХДТ дар ноҳияи Темурмалик дар ташкилоти ибтидоии “Қарақамиш” баргузор гардид.
Роҳбарияти Кумитаи иҷроия оид ба моҳияти Паёми навбатии Президенти Ҷумҳурии Тоҷикистон муҳтарам Эмомалӣ Раҳмон ва Барномаи пешазинтихоботии ҲХДТ андешаронӣ карда, қайд намуданд, ки мо масъулинро зарур аст, муносибати хонандагонро барои хондани китоб ва аз ёд кардани порчаҳои назму наср дар муассисаҳои таълимӣ ҷиддӣ назорат кунем ва барои боло бурдани сатҳи маърифатнокӣ, тавсеаи ҷаҳонбинӣ ва сухандониву сухангӯии насли ояндасози кишвар тадбирҳои судмандро андешем.
