АНДЕША. Тӯли солҳои соҳибистиқлолии кишвар зиёданд навигарӣ ва дастовардҳои азим. Татбиқи барномаҳои гуногуни давлатӣ, афзоиши воқеии маҷмӯи маҳсулоти дохилӣ ва рӯз то рӯз такмил ва раванди беш аз пеши соҳаҳои иқтисодиёту иҷтимоиёти кишвар аз он шаҳодат медиҳад, ки Тоҷикистон ба ҳайси яке аз мамлакатҳои пешрафта ҷиҳати афзоиш ва рушди инфрасохтори ҳамаҷониба чӣ аз лиҳози иқтисодӣ ва чӣ иҷтимоӣ тули 28 сол воқеан хам ба диёри орзуву ормонҳо табдил ёфтааст. Дар шароити имрӯза бо назардошти рушди ҳамаҷонибаи кишвар моро зарур аст, ки ба натиҷаҳои рузафзуни он зина ба зина қадам гузошта барои боз ҳам афзудани обрую эътибори Ватан саҳмгӯзор бошем. Ба оламиён муаррифӣ намудани кишваре, ки соҳиби маърифати баланд, тамаддуни бисёрасра ва соҳиби девону дафтар аст, қарзи имонии мост. Ҳифз ва рушди фарҳанги миллӣ низ яке аз вазифаҳои мо буда, бо максади ба низом даровардани рушди бомароми кишвар ва ба ин васила таввасути иродаи халқ баргузории интихобот омили расидан ба ҳадафҳои асосии ормонҳои халқ аст.
Тоҷикистон дар байни мамлакатҳои азими рӯ ба инкишоф, кишвари сулҳҷӯю, созанда эътироф гаштааст. Аз ин рӯ халқи Тоҷикистон ба сулҳу амният, чун ганҷи бебаҳо ва истиқлолияту озодиро туҳфаи арзандаю бебаҳо қабул ва эътироф менамоянд. Дар расидан ба ҳадафҳои олии кишвар чун ободкориву созандагӣ, сарҷамъиву муттаҳидӣ, таъмини босубот чун як тану як ҷон хизмат бояд кард.
Ҳасанзода Шаҳло Ҳасан – номзад ба вакилии Маҷлиси вакилони халқи шаҳри Норак.
