ПАНҶ. Дар доираи Соли шинохти бештари манфиатҳои миллӣ. Дар ташкилоти ибтидоии «Нуробод» вохӯрии судманд роҳандозӣ гардида, масъалаҳое, ки дар меҳвари вохӯрӣ қарор дода шуда буд, интихоботи вакилони мардумӣ ва Барномаи пешазинтихоботии ҲХДТ-ро дар бар гирифта, корҳои фаҳмондадиҳӣ гузаронида шуд.
Зимни суханронӣ иброз шуд, ки вазифаи ҲХДТ вобаста ба фазои басо мураккаб ва зудтағйирёбандаи ҷаҳони муосир ва минтақа, хатарҳои терроризму экстремизм аз он иборат аст, ки баҳри таҳкими Истиқлолияти давлатӣ, суботу амният ва ягонагии халқи Тоҷикистон ҳамеша талош намояд. Дар баробари ин вазифаи ҷонии ҳар як аъзои ҳизб ҳифзи давлату давлатдорӣ ва нигоҳ доштани сулҳу оромӣ дар кишвар мебошад.
