БОХТАР. Дар доираи Соли шинохти бештари манфиатҳои миллӣ. Дар ташкилоти ибтидоии ҳизбии “Нурафкан”-и шаҳри Бохтар оид ба ташвиқу тарғиби Барномаи пешазинтихоботии Ҳизби Халқии Демократии Тоҷикистон ва номзадҳои он ва шарҳу тавзеҳи Паёми Президенти кишвар ба Маҷлиси Олии Ҷумҳурии Тоҷикистон бо иштироки намояндагони Кумитаи иҷроияи ҲХДТ дар шаҳри Бохтар вохӯрӣ баргузор гашт.
Ҳизби Халқии Демократии Тоҷикистон бо мақсади ба кишвари транзитӣ табдил додани Ҷумҳурии Тоҷикистон тавассути рушди инфросохтори коммуникатсионӣ, идома додани татбиқи лоиҳаҳои таҷдиду барқарорсозии роҳҳои мошингарди байналмилалӣ ва сохтмони хатҳои нави роҳи оҳан талош варзида кӯшиш мекунад, то дар татбиқи яке аз ҳадафҳои стратегии мамлакат саҳми худро гузорад, иброз доштанд зимни баромади худ масъулони кумитаи мазкур.
