ПАНҶ. Дар доираи Соли шинохти бештари манфиатҳои миллӣ. Кормандони масъули Кумитаи иҷроияи ҲХДТ дар ноҳияи Панҷ баҳри баррасии як қатор масъалаҳои муҳим бо аъзои ташкилоти ибтидоии «Чаманистон -1 » вохӯрӣ доир намуданд.
Дар ҷараёни мулоқот масъулин вобаста ба самтҳои афзалиятноки фаъолияти ҳизбӣ, аз ҷумла маъракаи муҳими сиёсии дарпешистода-интихоботи вакилон ба Маҷлиси Олии Ҷумҳурии Тоҷикистон ва маҷлисҳои маҳаллии вакилони халқ андешаронӣ намуда, қайд карданд, ки ҳар як аъзои ҲХДТ масъуланд, ки дар татбиқи ҳадафҳои созандаи ҳизб ва баргузории маъракаи муҳими сиёсӣ иштирок намуда, дар шаффофу демократӣ гузаштани ин чорабинии сиёсӣ масъулияти ҷиддӣ зоҳир намоянд.
