ҚУБОДИЁН. Дар доираи Соли шинохти бештари манфиатҳои миллӣ. Дар ташкилоти ибтидоии “Камароб” ҷиҳати таблиғу ташвиқи Барномаи пешазинтихоботии ҲХДТ, пешбарии номзади он ба Маҷлиси намояндагони Маҷлиси Олии Ҷумҳурии Тоҷикистон ва маҷлисҳои маҳаллии вакилони халқ дар участкаи интихоботии № 6-и Ҷамоати деҳоти ба номи Утақара Назарови ноҳияи Қубодиён вохӯрӣ доир карда шуд.
Дар маҷлис роҳбарияти Кумитаи иҷроия ва дигар шахсони давъатӣ иштирок ва суханронӣ намуданд.
Мавсуф дар суҳбат оид ба Барномаи пешазинтихоботии ҲХДТ, ки муҳимтарин самтҳои рушди иқтисодиву иҷтимоии кишвар дар солҳои 2020-2025-ро дар бар мегирад, баррасӣ карда, қайд намуд, ки ҲХДТ, ки худ шарики фаъоли дигаргунсозиҳои сохтори давлатӣ ва шакли идоракунии ҷомеа мебошад, тавонист дар як давраи кӯтоҳи таърихӣ вазъи сиёсии кишварро ба танзим дарорад. Раванди маъракаҳои муҳими сиёсӣ собит месозанд, ки ҲХДТ яке аз ҳизби бонуфуз дар тамоми қаламрави кишвар маҳсуб ёфта, бо ҷонибдорони худ як қувваи бузургро ташкил медиҳад ва ба сифати ташкилоти сиёсии ҷамъиятӣ дар тақдири халқи Тоҷикистон нақши муҳим мебозад.
