ШАҲРИТУЗ. Дар доираи Соли шинохти бештари манфиатҳои миллӣ. Ҷиҳати муаррифии Барномаи пешазинтихоботии ҲХДТ барои солҳои 2020-2025 ва номзадҳои он, ҳамчун ҷиҳати шарҳу тавзеҳи Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон дар ташкилотҳои ибтидоии деҳаҳои «Гулистон» ва «Шарқи»-и ҷамоати деҳоти ба номи Талбак Садриддинови ноҳияи Шаҳритуз бо интихобкунандагон вохӯрӣ доир гардид.
Намояндагони ҳизбӣ зимни суханронӣ аз нуктаҳои муҳими Паёми имсола ва моҳияти Барномаи пешазинтихоботии ҲХДТ ёдовар шуда, гуфтанд, ки Дар ин росто ҲХДТ ягона нерӯи солиме буд, ки таҳти сарварии Пешвои миллат муҳтарам Эмомалӣ Раҳмон ҳамаро ба ваҳдат ва гузаштан аз гуноҳи ҳамдигар даъват кард. Натиҷаи амалӣ гардидани чунин барномаҳои созанда ва истифодаи дурусту ҳадафрас аз минбарҳои ВАО буд, ки мардум атрофи ғояҳои созанда ва фарҳангпарваронаи ҲХДТ муттаҳид гардида, ба эҳёи фарҳанги ҳазорсолаи миллӣ шурӯъ намуданд.
