ҚУБОДИЁН. Дар доираи Соли шинохти бештари манфиатҳои миллӣ. Дар ташкилоти ибтидоии ҳизбии “Сулҳ”-и ноҳияи Қубодиён таҳти унвони “Паёми Пешвои миллат-раҳнамои миллат” хониши сиёсӣ баргузор гардид. Роҳбарияти Кумитаи иҷроияи ҲХДТ дар ноҳияи мазкур дар суханронии худ оид ба роҳҳои амалӣ намудани вазифаҳое, ки дар Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ муайян гаштаанд, ёдовар шуда, иброз доштанд, ки амалӣ намудани мақсаду маром ва ҳадафҳои Паёми Сарвари давлат вазифаи асосии ҳар аъзои ҳизб бояд бошад. Баҳри иҷрои корҳои созандагию бунёдкорӣ, пешрафту шукуфоии кишвар, тарбияи насли наврас, кумаку дастгирии ниёзмандон, ҳифзи дастовардҳои даврони истиқлол, таъриху фарҳанги миллӣ ва мустаҳкам намудани дӯстию бародарӣ, сулҳу суботӣ комил сарҷаъмона кӯшиш намоем.
