КӮЛОБ. Дар ташкилоти ибтидоии ҳизбии "Ватан" вобаста ба тарғибу ташвиқи Паёми навбатии Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон бо иштироки аъзо ва ҷонибдорони ҲХДТ маҷлиси ҳизбӣ баргузор гардид.
Дар ин маҷлис мудири шуъбаи таблиғоот, иттилоот ва таҳлили Кумитаи иҷроияи ҲХДТ дар шаҳри Кӯлоб ва раиси ташкилоти ибтидоии ҳизбии "Ватан" Ҷамолбии Амирхон иштирок ва суханронӣ намуданд.
Нахуст, Саидов Умар мудири шуъбаи таблиғот ба сухан баромада, қайд кард, ки занону духтарон дар ҷомеаи имрӯзаи мо нақши фаъол дошта, дар аксари соҳаҳо, ба хусус дар бахшҳои иҷтимоӣ бештар кору фаъолият менамоянд. Аз ин нуқтаи назар метавон гуфт, ки занону бонувони тоҷик ҳамеша пуштибони ташаббусҳои созандаи Пешвои миллат мебошанд.
Дар идомаи суҳбат Ҷамолбии Амирхон таъкид намуд, ки мо бояд аз ҳар як нуқта ва ҷумлаи Паём дар пешбурди фаъолияти кории ҳамарӯзаамон ҳамчун дастурамалӣ рӯимизи самаранок истифода бурда, кушиш намоем, ки саҳми худро дар амалишавии нуқтаҳи Паём гузорем.
