ФАРХОР. Дар доираи Соли шинохти бештари манфиатҳои миллӣ. Кормандони масъули Кумитаи иҷроияи ҲХДТ дар ноҳияи Фархор бо мақсади амалисозии ҳадафҳои Барномаи пешазинтихоботии ҲХДТ барои солҳои 2020-2025 ва тарғибу ташвиқи Паёми Президенти кишвар ба Маҷлиси Олии Ҷумҳурии Тоҷикистон дар ташкилоти ибтидоии «Мирзо Турсунзода»-и Ҷамоати шаҳраки Фархор вохӯрӣ доир намуданд.
Дар суҳбат масъулин нуктаҳои асосии Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон ва Барномаи пешазинтихоботии ҲХДТ барои солҳои 2020 - 2025 -ро шарҳу тавзеҳ дода, гуфтанд, ки Паёми навбатӣ фарогири тамоми самтҳои хоҷагии халқи мамлакат буда, моро водор месозад барои татбиқи дастуру супоришҳои Роҳбари давлат, ки аз Паём бармеоянд бештар меҳнати содиқона намоем ва дар пешрафту тараққиёти Ватан ҳиссагузор бошем.
