ДӮСТӢ. Дар доираи Соли шинохти бештари манфиатҳои миллӣ. Вохӯрии кормандони масъули Кумитаи иҷроияи ҲХДТ дар ноҳияи Дӯстӣ бо аъзову ҷонибдорони ҳизб, дар ташкилоти ибтидоии деҳаи «Меҳргон» доир гардид, ки аз ин суҳбати самимона сокинон руҳу илҳоми тоза гирифтанд.
Дар маҷлис намояндагони ҳизбӣ дар бораи Паёми Пешвои миллат ва самтҳои муҳими дар он зикршуда, моҳияти Барномаи пешазнитихоботии ҲХДТ фикру андешаҳои хешро баён дошта, қайд карданд, ки Раиси муаззами ҳизб муҳтарам Эмомалӣ Раҳмон дар Паёми худ ба Маҷлиси Олӣ вобаста ба дастовардҳои дохиливу хориҷӣ ибрози назар намуданд, ки ин таҳлил ва дастуру супоришҳои дар он зикргардида роҳи мо ҳизбиёнро барои расидан ба ҳадафҳои минбаъдаи ватансозӣ равшан сохт ва моро месазад,ки баҳри пешрафти давлату миллати хеш дар корҳои ободониву бунёдкорӣ саҳмгузор бошем.