ҲАМАДОНӢ. Дар доираи Соли шинохти бештари манфиатҳои миллӣ. Дар ташкилоти ибтидоии ҳизбии “Даштигуло”-и ноҳияи Мир Сайид Алии Ҳамадонӣ вохӯрии кормандони масъули Кумитаи иҷроияи ноҳиявии ҲХДТ бо аъзои ташкилоти ибтидоии мазкур оид ба шарҳу тавзеҳи Паёми Пешвои миллат муҳтарам Эмомалӣ Раҳмон баргузор гардид.
Масъулини Кумитаи иҷроия аз ҷумла иброз доштанд, ки Ҷиҳати ҳимояву дастгирии фаъолияти соҳибкорӣ ва ҷалби сармоя аз ҷониби Ҳукумати кишвар дар се соли охир дар соҳаҳои саноати сабук, кишоварзӣ, дорусозӣ, парандапарварӣ, чорводорӣ, сайёҳӣ ва дигар бахшҳои афзалиятнок иловатан 30 намуди имтиёзу сабукиҳо ҷорӣ карда шуданд.
Масъулини Кумитаи иҷроия ҲХДТ дар баромадашон қайд карданд, ки бо фармони Президенти Ҷумҳурии Тоҷикистон аз 4-уми декабри соли 2019 интихоботи навбатии вакилони Маҷлиси намояндагони Маҷлиси Олии Ҷумҳурии Тоҷикистон ва маҷлисҳои маҳаллӣ рӯзи 1 марти соли 2020 таъин шудааст ва иштироки фаъолонаи сокинони кишвар саҳмгузорӣ дар ояндаи дурахшони Ватани азиз мебошад.
