ПАНҶ. Дар доираи Соли шинохти бештари манфиатҳои миллӣ. Масъулони Кумитаи иҷроияи ҲХДТ дар ноҳияи Панҷ бо аъзои ташкилоти ибтидоии «Алишер» вохӯрӣ доштанд.
Дар мулоқот робарияти Кумитаи иҷроияи ҲХДТ дар ноҳияи мазкур зимни баромад қайд карданд, ки бо шукргузорӣ аз фазои сулҳу субот, ваҳдати сартосарӣ имрӯз Тоҷикистон дар асоси принсипҳои ҷомеаи демократӣ, Истиқлолият ва Ваҳдати миллӣ ба марҳилаи нави рушди давлатдории миллӣ бо талошу ҷонфидоиҳо бо татбиқи дастуру ҳидоятҳои Пешвои миллат муҳтарам Эмомалӣ Раҳмон ворид гардидааст. Мебояд, ки ба қадри талошҳои фидокоронаи Роҳбари давлат бирасем ва ҷавобан ба ин ғамхориҳои беназир садоқатмандона ба халқу Ватани хеш хизмат намоем, диёрамонро боз ҳам ободу зебо гардонем ва ҷашни 30-солагии Истиқлолияти давлатиро бо дастовардҳои назаррас истиқбол намоем.
