Н.ХУСРАВ. Дар доираи Соли шинохти бештари манфиатҳои миллӣ. Бо мақсади шарҳу тавзеҳи Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ дар ташкилоти ибтидоии ҳизбии “КАТС-и ноҳияи Носири Хусрав хониши сиёсӣ баргузор шуд.
Масъулини Кумитаи иҷроия қайд доштанд, ки дар деҳот сифати хизматрасониҳои соҳаи тандурустӣ ба куллӣ беҳ гардида истодаанд. Аз гуфтаҳои Пешвои миллат, ки солимии аҳли ҷомеаро барои ҳар як давлат зарур шумориданд, масъулон ёдовар гаштанд.
Зикр шуд, ки мо ҳизбиён тамоми унсурҳои муҳими қонунгузорӣ, демократия ва маърифати сиёсиро дар ҷомеа чунон бояд татбиқ кунем, ки намунаи ибрат бошем.
