Ҷ.БАЛХӢ. Дар доираи Соли шинохти бештари манфиатҳои миллӣ. Дар ташкилоти ибтидоии «Кумитаи замин»-и ноњияи Ҷалолиддини Балхӣ вохӯрӣ баргузор гардид.
Дар маҷлис намояндагони ҳизбӣ иштирок дошта, оид ба муҳтавои Паёми Президенти Ҷумҳурии Тоҷикистон муҳатарм Эмомалӣ Раҳмон ба Маҷлиси Олии кишвар ва моҳияти Барномаи пешазинтихоботии ҲХДТ ибрози андеша карда, гуфтанд, ки халқи тоҷик дар солҳои соҳибистиқлолӣ марҳилаи басо мураккаб ва сангини таърихиро пушти сар намуд, ки метавон онро як марҳилаи имтиҳон барои Ҳизби Халқии Демократии Тоҷикистон донист. Аз ин рӯ, дар барномаҳои қаблии ҳизб нахуст аз вартаи нобудӣ наҷот додани давлати тозаистиқлоли Тоҷикистон меистод, ки сарбаландона аз ин имтиҳон гузаштем. Баъдан марҳилаи ислоҳот дар самти таҳкими пояҳои Истиқлолияти давлатӣ ва рушди ҷомеаи шаҳрвандӣ оғоз гардида, барномаҳои нав рӯи даст гирифта шуданд.
