А.ҶОМӢ. дар доираи Соли шинохти бештари манфиатҳои миллӣ. Ҷиҳати таблиғу ташвиқи Барномаи пешазинтихоботии ҲХДТ, нуктаҳои муҳими Паёми навбатӣ ва татбиқи Аксияҳои ҳизбӣ дар ташкилотҳои ибтидоии «Н. Расулов» ва «Шоимардонов»-и ҷамоати шаҳраки Абдураҳмони Ҷомӣ бо ҷалби аъзо ва ҷонибдорони ҲХДТ хониши сиёсӣ гузаронида шуд.
Зимни мулоқот намояндагони ҳизбӣ оид ба Барномаи пешазинтихоботии ҲХДТ ва Паёми навбатии Пешвои миллат суханрони намуда, қайд карданд, ки Сарвари давлат зимни Паёми навбатиашон иброз доштанд, ки «Доир ба ин масъала таъкид менамоям, ки ҳангоми бунёди манзилҳои истиқоматӣ ва иншооти гуногун бояд санъати меъморӣ риоя гардида, барои боз ҳам беҳтару зебо гардидани симои шаҳру деҳот кӯшиш ба харҷ дода шавад». Лозим ба ёдоварист, ки Пешвои миллат дар Паёмашон оид ба баланд бардоштани сатҳу сифати таълиму тарбияи насли наврас ҷиҳати боло рафтани савияи донишу маърифатнокии хонандагону донишҷӯён ва омӯхтани забонҳои русиву англисиро дар ҳамаи зинаҳои таҳсилот дастуру супоришҳои мушаххас доданд.
