ХУРОСОН. Дар доираи Соли шинохти бештари манфиатҳои миллӣ. Дар бораи таблиғу ташвиқи Барномаи ҲХДТ ва Паёми навбатии Пешвои миллат муҳтарам Эмомалӣ Раҳмон дар ташкилоти ибтидоии «Фарҳанг» бо иштироки кормандони масъули Кумитаи иҷроияи ҲХДТ дар ноҳияи Хуросон вохӯрӣ баргузор гардид.
Масъулин дар суханронии худ моҳияту муҳтавои Паём ва Барномаи пешазинтихоботии ҲХДТ барои солҳои 2020-2025-ро тарғибу ташвиқ ва шарҳу тавзеҳ намуда, қайд карданд, ки «Дар Паёми худ ба Маҷлиси Олӣ, Президенти Ҷумҳурии Тоҷикистон, самтҳои асосии сиёсати дохилию хориҷии мамлакатро барои давраҳои оянда муайян намуда, оид ба пешбурди манфиатбори сиёсати хориҷӣ ва таъмини пешрафти соҳаҳои иқтисоду саноат, энергетика, роҳу нақлиёт, амнияту мудофиа, ҳифзи ҳуқуқу тартибот, тандурустӣ, фарҳанг, илму маориф, ҳифзи иҷтимоии аҳолӣ, ҷавонон, варзиш ва сайёҳӣ вазифаҳои мушаххас ба миён гузоштанд.
