ЁВОН. Дар доираи Соли шинохти бештари манфиатҳои миллӣ. Бо мақсади баргузории ҷамъомад дар давраи маъракаи пешазинтихоботӣ дар ташкилоти ибтидоии “Хима-текстил”-и ноҳияи Ёвон бо иштироки аҳли заҳмат ҳамоиш баргузор гардид.
Дар вохӯрӣ аз ҷониби намояндагони ҳизбӣ оид ба самтҳои муҳими барномаи пешазинтихоботии ҲХДТ дар давраи солҳои 2020-2025, Паёми навбатии Пешвои миллат муҳтарам Эмомалӣ Раҳмон ба парлумони кишвар, эълон гардидани соли 2020 барои сохторҳои ҳизбии вилояти Хатлон “Соли шинохти бештари манфиатҳои миллӣ” интихоби дурусти номзади арзанда дар раванди маъракаи интихоботи вакилон ба Маҷлиси намояндагони Маҷлиси Олии Ҷумҳурии Тоҷикистон ва Маҷлисҳои маҳаллӣ, истиқболи сазовори ҷашни 30-солагии Истиқлолияти давлатӣ, тарбияи дурусти шогирдон, омода намудани кадрҳои соҳибихтисосу лаёқатманд андешаронӣ карда шуда, ҳозиринро барои иштироки фаъолона дар интихоботи навбатӣ ва интихоби вакилони арзанда ҳидоят намуданд.
