БОХТАР. Дар доираи Соли шинохти бештари манфиатҳои миллӣ. Дар ташкилоти ибтидоии ҳизбии “Фарҳанги вилоят” бо иштироки намояндагони Кумитаи иҷроияи Ҳизби Халқии Деомкратии Тоҷикистон дар шаҳри Бохтар, вакили Маҷлиси вакилони халқи шаҳр Абдуллозода А.Ҷ., аъзо ва ҷонибдорони ҳизб вохӯрӣ доир гардид. Дар он доир ба Паёми Президенти Ҷумҳурии Тоҷикистон ба Маҷлиси Олии кишвар, тарғибу ташвиқи Барномаи пешазинихоботии Ҳизби Халқии Демократии Тоҷикистон ва чорабиниҳои муҳими сиёсии дар пешистода сухан рафта, гуфта шуд, ки иштироки ҳар як шахс дар интихобот ҳатмӣ мебошад. Зеро нисбат ба ҳаёти сиёсии давлату ҳукумат бояд бетараф набошем. Ояндаи давлату миллат аз интихоб ва овози ҳар яки мо вобастагӣ дорад.
