БОХТАР. Дар доираи Соли шинохти бештари манфиатҳои миллӣ. Дар ташкилоти ибтидоии “Омори вилоят” оид ба шарҳу тавзеҳи бандҳои Паёми навбатии Пешвои миллат муҳтарам Эмомалӣ Раҳмон ба Маҷлиси Олӣ, иҷрои дастуру супоришҳои Паём, тарғибу ташвиқи Барномаи пешазинтихоботии ҲХДТ бо иштироки роҳбарияти Кумитаи иҷроия ҳизб дар шаҳри Бохтар вохӯрӣ доир гардид.
Масъулон дар суҳбат аз нуктаҳои Паём ва барномаи пешазинтихоботии ҳизб ёдовар шуда, қайд доштанд, ки бо саҳми ҲХДТ суботи макроиқтисодӣ ва рушди иҷтимоиву иқтисодии кишвар таъмин гардида, дар давраи татбиқи Барномаи ҲХДТ барои солҳои 2015-2020 маҷмӯи маҳсулоти дохилӣ қариб 2 маротиба афзоиш ёфт. Даромадҳои пулии аҳолӣ 1,9 ва музди меҳнати миёнаи як корманд 1,8 маротиба зиёд шуд. Дар натиҷа сатҳи камбизоатии аҳолӣ дар кишвар аз 80%-и 25 сол пеш ба соли 2011 то 41% ва ба соли 2019 то 27,5% коҳиш дода шуд.
