Ҷ.БАЛХӢ. Дар доираи Соли шинохти бештари манфиатҳои миллӣ. Бо мақсади фаҳмонидани муҳтавои Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии кишвар ва тарғибу ташвиқи Барномаи пешазинтихоботии ҲХДТ дар ташкилоти ибтидоии «Бахши ҷавонон ва варзиши»-и ноҳияи Ҷалолиддини Балхӣ вохӯрӣ доир карда шуда, дар он намояндагони ҳизбӣ дар бораи масъалаҳои болозикр фикру андешаҳои хешро баён доштанд.
Инчунин, дар рафти мулоқот аъзои ташкилоти ибтидоӣ дар бораи ғамхориҳои пайвастаи Раиси муаззами ҲХДТ муҳтарам Эмомалӣ Раҳмон ҳарф зада, иброз доштанд, ки мо ҷавонони хушбахти даврони соҳибистиқлолии кишвар пайрави Пешвои миллат буда, ҷавобан ба ғамхориҳои бевосита содиқона кору фаъолият менамоем ва талош меварзем, ки дар оянда сазовори боварии Роҳбари давлат бошем.
