ҚУБОДИЁН. Дар доираи Соли шинохти бештари манфиатҳои миллӣ. Дар ташкилоти ибтидоии “КДФ молу мулки ғайриманқул”-и ноҳияи Қубодиён ҷиҳати таблиғу ташвиқи барномаи пешазинтихоботии ҲХДТ, пешбарии номзади ҲХДТ ба Маҷлиси намояндагони Маҷлиси Олии Ҷумҳурии Тоҷикистон ва маҷлисҳои маҳаллии вакилони халқ дар участкаи интихоботии №17 вохӯрӣ доир карда шуд.
Намояндагони ҳизбӣ доир ба муҳтавои Паёми навбатӣ, Барномаи пешазинтихоботии ҲХДТ, ки муҳимтарин самтҳои рушди иқтисодиву иҷтимоии кишвар дар солҳои 2020-2025-ро дар бар гирифтааст, сухан гуфта, қайд намуданд, ки ҲХДТ худ шарики фаъоли дигаргунсозиҳои сохтори давлатӣ ва шакли идоракунии ҷомеаи муосир аст ва тавонист дар як муддати кӯтоҳи таърихӣ вазъи сиёсии кишварро ба субот оварад, барои оромӣ, ҳифзи марзу бум ва ваҳдату ягонагии халқ мусоидат намояд.
