ЁВОН. Дар доираи Соли шинохти бештари манфиатҳои миллӣ. Бо иштироки коллективи омӯзгории Коллеҷи технологӣ-фарматсевтии Тоҷикистон ва ҷавононе, ки маротибаи аввал дар маъракаи интихобот ширкат меварзанд, ҷамъомад баргузор гардид.
Зимни баргузории вохӯрии мазкур аз ҷониби ҳизбиёни ноҳияи Ёвон бобати дар амал татбиқ намудани Паёми навбатии Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, илмомӯзӣ, тарбияи мутахассисони варзида ва лаёқатманд, оид ба самтҳои муҳими барномаи пешазинтихоботии ҲХДТ дар давраи солҳои 2020-2025, эълон гардидани соли 2020 барои сохторҳои ҳизбии вилоят “Соли шинохти бештари манфиатҳои миллӣ” интихоби дурусти номзади арзанда дар раванди маъракаи интихоботи вакилон ба Маҷлиси намояндагони Маҷлиси Олии Ҷумҳурии Тоҷикистон ва маҷлисҳои маҳалӣ андешаронӣ намуда, ҳозиринро барои интихоби ояндаи дурахшони фарзандони хеш ва шукуфоии Тоҷикистони азиз ҳидоят намуданд.
