БОХТАР. Дар доираи Соли шинохти бештари манфиатҳои миллӣ. Дар ташкилоти ибтидоии «Ибни Сино»-и шаҳри Бохтар вохӯрии кормандони Кумитаи иҷроияи шаҳрии ҲХДТ бо аъзо ва ҷонибдорони ҳизб доир гардид.
Мақсад аз баргузории ҷамъомад расонидани муҳтавои Паёми Президенти Ҷумҳурии Тоҷикистон муҳтарам Эмомалӣ Раҳмон, тарғибу ташвиқи Барномаи пешазинтихоботии ҲХДТ дар ҷомеа мебошад. Дар назди иштирокдорон масъулин аз дастовардҳои Тоҷикистони соҳибистиқлол ёдовар шуда, қайд карданд, ки бо мақсади ноил гардидан ба ҳадафҳои стратегии худ Ҳукумати Тоҷикистон зина ба зина қадамҳои устувор гузошта истодааст. ҲХДТ низ дар даврони Истиқлолияти давлатӣ таъсис ёфта, дар татбиқи ҳадафҳои созандаи миллату давлат нақши бузург дорад.
