ФАРХОР. Дар доираи Соли шинохти бештари манфиатҳои миллӣ. Тибқи ҷадвали тасдиқгардида мулоқоти навбатии раиси Кумитаи иҷроияи ҲХДТ дар ноҳияи Фархор Назарзода Алӣ Исмон дар маҷлисгоҳи Кумитаи иҷроияи ҲХДТ бо аъзо ва ҷонибдорони ҳизб аз ташкилоти ибтидоии ҳизбии "Омор" баргузор гардид.
Раиси Кумитаи иҷроияи ҲХДТ дар ноҳияи мазкур зимни баромашон нишондиҳандаҳои омории соҳаҳои гуногуни хоҷагии халқи ноҳияро дар соли 2019 дар қиёс ба солҳои қаблӣ шарҳ дод. Инчунин, оид ба аҳамияти татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии кишвар, яъне баланд бардоштани сатҳу сифати зиндагии мардум суханронӣ намуд.
