ВОСЕЪ. Дар доираи Соли шинохти бештари манфиатҳои миллӣ. Вохӯрии навбатии кормандони масъули Кумитаи иҷроияи ҲХДТ дар ноӽияи Восеъ бо аъзои ташкилоти ибтидоии “Раёсати суғуртаи иҷтимоӣ ва нафақа”-и ноҳия баргузор гардид.
Дар вохӯрӣ раиси Кумитаи иҷроияи ҳизб аз ҷумла қайд кард, ки ҳар шахс дар пиронсолӣ, ҳангоми беморӣ, маъюбӣ, гум кардани қобилияти кор, маҳрум шудан аз сарпараст ва мавридҳои дигаре, ки қонун муайян кардааст, кафолати таъмини иҷтимоӣ дорад. Бо ин мақсад моро зарур аст, ки дар доираи сиёсати хирадмандонаи Пешвои миллат ба ин соҳаи муҳим таваҷҷуҳи заруриро равона созем ва назорати истифодаи мақсадноки маблағҳои буҷети суғуртаи иҷтимоӣ ва нафақа яке аз вазифаҳои аввалиндараҷаи кормандони агентии мазкур мебошад.
