Ш.ШОҲИН. Дар доираи Соли шинохти бештари манфиатҳои миллӣ. Намояндагони Кумитаи иҷроияи ҲХДТ дар ноҳияи Шамсиддин Шоҳин бо мақсади ба дарки ҷомеа расонидани мазмуну муҳтавои Паёми солонаи Пешвои миллат ва Барномаи пешазинтихоботии ҲХДТ бо сокинони деҳаи Вағлели Ҷамоати деҳоти Лангардараи ноҳияи Шамсиддин Шоҳин вохӯрӣ доир намуданд.
Дар суҳбат масъулин дар бораи моҳияти Паём ва марҳилаҳои тайнамудаи ҲХДТ ва муваффақиятҳои ин ҳизби меҳварӣ ибрози ақида намуданд.
Сипас, дар ин раванд Барномаи пешазинтихоботии ҲХДТ ба ҳамагон шарҳ дода шуда, ҷамъомадагон барои татбиқи ҳадафҳои созанда, ки дар Барномаи мазкур инъикос ёфтаанд, ҳидоят шуданд.
