ҚУБОДИЁН. Дар доираи Соли шинохти бештари манфиатҳои миллӣ. Бо мақсади амалӣ намудани дастуру супоришҳои Раиси муаззами ҲХДТ муҳтарам Эмомалӣ Раҳмон, ки дар Паёми имсолаи худ ба Маҷлиси Олии Ҷумҳурии Тоҷикистон ироа намуданд, дар ташкилотҳои ибтидоии ҳизбии ноҳияи Қубодиён суҳбату вохӯриҳои судманд баргузор гардида истодааст.
Бо ин мақсад дар ташкилоти ибтидоии “Офтобак” хониши сиёсӣ баргузор гардид.
Масъулини Кумитаи иҷроияи ноҳиявии ҲХДТ дар бораи омӯзиши забони модарӣ ва забонҳои хориҷӣ, дар замири насли наврас бедор кардани завқи китобхонӣ андешаронӣ намуда, таъкид карданд, ки масъулини соҳаро зарур аст назоратро дар самти таълиму тарбия, донишомӯзии наврасон, ки онҳо ояндаи Тоҷикистони азизамон мебошанд, пурзӯр намуда, фарзандони ватандӯсту худогоҳ тарбия созанд. Сипас, дар ин раванд моҳияти Барномаи пешазинтихоботии ҲХДТ ва самҳои афзалиятноки фаъолияти ҳизбӣ ба дарки ҳамагон расонида шуд.
