БОХТАР. Дар доираи Соли шинохти бештари манфиатҳои миллӣ. Дар маҳаллаҳои “Борбад”, “Дӯстии халқҳо” “Ҷалолиддини Балхӣ”, “Кайҳоннавардон” ва “Ҳоҷӣ Шариф”-и шаҳри Бохтар вохӯрии аъзои гурӯҳи таблиғотии ҲХДТ бо сокинон оид ба шарҳу тавзеҳи Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии мамлакат ва ташвиқу тарғиби Барномаи пешазинтихоботии ҲХДТ доир гардид.
Масъулон иброз доштанд, ки мақсаду мароми ҲХДТ рушди ватани соҳибистиқлол, ободӣ, пешрафту тараққиёти он мебошад. Барномаи пешазинтихоботии ҳизбӣ аз ҳадафҳои асосии барномавии он сарчашма гирифта, ҳамчун ҳуҷҷати раҳнамое мебошад, ки барои расидан ба онҳо вазифаи ҳар як узви ҳизб муайян гаштааст.
