ХОВАЛИНГ. Дар доираи Соли шинохти бештари манфиатҳои миллӣ. Дар ташкилоти ибтидоии “Кишоварзӣ”-и ноҳияи Ховалинг оид ба омӯзиши Паёми навбатии Роҳбари давлат ба Маҷлиси Олӣ ва Барномаи пешазинтихоботии ҲХДТ вохӯрӣ доир шуд ва дар он аъзои Ситоди пешазинтихоботии назди Кумитаи иҷроия иштирок ва суханронӣ намуданд.
Аз баромади масъулин ҳамагон муҳтавои Паёмро бештар аз худ карда, ба Барномаи пешазинтихоботии ҲХДТ ва номзадҳои он шинос гардиданд.
Иштирокдорони вохӯрӣ дар бораи қонунгузории Тоҷикистон дар бораи Интихоботи Маҷлиси намояндагони Маҷлиси Олии Ҷумҳурии Тоҷикистон суолҳо дода, ҷавобҳои саҳеҳ гирифтанд.
Дар охир аъзои ташкилоти ибтидоӣ дар баромадашон аз доир намудани чунин вохӯрии судманд изҳори қаноатмандӣ карданд.
