ДӮСТӢ. Дар доираи Соли шинохти бештари манфиатҳои миллӣ. Оид ба шарҳу тавзеҳи Паёми Пешвои миллат ба Маҷлиси Олии Чумҳурии Тоҷикистон ва Барномаи пешазинтихоботии ҲХДТ бо аъзои ташкилотҳои ибтидоии деҳаҳои “Маҳрами Ҳотам” ва “Асрор Раҷабов”-и ноҳияи Дӯстӣ мулоқот доир гардид. Роҳбарияти Кумитаи иҷроияи ноҳиявии ҲХДТ дар назди ҷамъомадагон баромад намуда аз ҷумла қайд доштанд, ки Паёми навбатӣ тамоми соҳаҳои хоҷагии халқро дар бар гирифта, дастурамале дар зиндагии ҳар кадоми мо хоҳад буд.
Сипас, барномаи пешазинтихоботии ҳизбӣ ва самтҳои афзалиятноки фаъолияти ҲХДТ ба дарки ҳамагон расонида шуд. Ширкати фаъолонаи мо шаҳрвандон дар маъракаи муҳими сиёсӣ - интихоботи Маҷлиси Олии Ҷумҳурии Тоҷикистон ва маҷлисҳои маҳаллии вакилони халқ ҳатмӣ буда, дар шаффофу демократӣ гузаштани интихобт ва интинхоби вакилони арзанда бояд саҳми назаррас гузорем, таъкид доштанд баромадкунандагон.
