ВОСЕЪ. Дар доираи Соли шинохти бештари манфиатҳои миллӣ. Дар ташкилоти ибтидоии «Беморхонаи Сил»-и ноӽияи Восеъ бо аъзо ва ҷонибдорони ҲХДТ мулоқот баргузор гардид.
Роӽбарияти кумитаи иҷроия дар ноҳияи мазкур қайд карданд, ки Паёми Пешвои миллат самтҳои асосии сиёсати дохилию хориҷии мамлакатро барои давраҳои оянда муайян намуда, дар пешбурди манфиатбори сиёсати хориҷӣ ва таъмини пешрафти соҳаҳои иқтисоду саноат, энергетика, роҳу нақлиёт, амнияту мудофиа, ҳифзу ҳуқуқу тартибот, тандурустӣ, фарҳанг, илму маориф, ӽифзи иҷтимоии аҳолӣ, ҷавонон, варзиш ва сайёҳӣ, зан ва мақоми он дар ҷомеа вазифаҳои мушаххас ба миён гузоштанд.
Инчунин, масъулон дар бораи моҳияти Барномаи пешазинтихоботии ҲХДТ барои солҳои 2020-2025 зикр намуданд, ки дар асоси таҳлилҳои илман асоснокшуда аҳолии мамлакат аз 9,5 миллион нафар дар соли 2020 то ба 10,5 миллион дар соли 2025 афзоиш меёбанд. Ин далел тақозо мекунад, ки ба ҳалли масъалаҳои иқтисодию иҷтимоӣ, аз ҷумла беҳтар гардидани сатҳу сифати зиндагии аҳолӣ ва тақвияти иқтидори истеҳсолии мамлакат таваҷҷуҳи махсус зоҳир карда мешавад.
