МӮЪМИНОБОД. Дар доираи Соли баланд бардоштани масъулияти шаҳрвандӣ. Дар ташкилотҳои ибтидоии «Шаҳринави мобайн» ва «Шаҳринави боло»-и ҷамоати деҳоти Деҳибаланди ноҳияи Мӯъминобод маҷлиси ҳизбӣ баргузор гардид.
Дар мулоқот масъулин оид ба Паёми Президенти Ҷумҳурии Тоҷикистон, эълон гардидани солҳои 2019-2021 Солҳои рушди деҳот, сайёҳӣ ва ҳунарҳои мардумӣ, сазовор пешвоз гирифтани ҷашни 30-солагии Истиқлолияти давлатӣ, самтҳои афзалиятноки фаъолияти ҲХДТ Ҷумҳурии Тоҷикистон ва моҳияти Аксияи ҳизбӣ таҳти унвони «Якҷоя ҳал мекунем!» андешаронӣ намуда, қайд карданд, ки ҳадафҳои созандаи ҳизбӣ баҳри таъмини зиндагии босаодат барои сокинон ва рушду тараққиёти Ватан равона карда шудааст ва мо сокинонро лозим аст, аз имкониятҳои мусоид фаровон истифода бурда, бештару беҳтар барои ободиву пешрафти меҳани азизамон талош варзем.
