ДӮСТӢ. Дар доираи Соли баланд бардоштани масъулияти шаҳрвандӣ. Дар ташкилоти ибтидоии «Маркази ҷавонон»-и ноҳияи Дӯстӣ вохӯрӣ доир гардид.
Дар рафти суҳбат намояндагони ҳизбӣ атрофи самтҳои афзалиятноки фаъолияти ҳизб, аз ҷумла пешгирии ҷавонон аз ҳар гуна амалҳои номатлуб, шомилшавӣ ба ҳизбу ҳаракатҳои ифротӣ, зиёд намудани сафи аъзои ҳизб аз ҳисоби ҷавонони донишманду болаёқат, баррасии дастуру супоришҳои Раиси муаззами ҲХДТ муҳтарам Эмомалӣ Раҳмон дар Анҷумани 13-уми ҲХДТ ва сазовор ҷашн гирифтани 30-солагии Истиқлолияти давлатии Ҷумҳурии Тоҷикистон суханронӣ намуда, таъкид карданд, ки он шароитҳои мусоиде, ки таҳти сиёсати ҷавонпарваронаи Роҳбари давлат дар дилхоҳ соҳа фароҳам оварда шудааст, ҷавонон бояд самаранок истифода бурда, ҷавобан ба ин ғамхориҳои Пешвои миллат барои боз ҳам ободтару зеботар гардидани Ватани азизамон кӯшиш намоянд.
