Ш.ШОҲИН. Дар доираи Соли баланд бардоштани масъулияти шаҳрвандӣ. Дар Ҷамоати деҳоти Доғистони ноҳияи Шамсиддин Шоҳин вобаста ба баррасии самтҳои афзалиятноки фаъолияти ҲХДТ вохӯрӣ доир карда шуд.
Намояндагони КИ ҳизбӣ мулоқотро бо ёдоварӣ аз суханрониҳои Раиси муаззами ҲХДТ муҳтарам Эмомалӣ Раҳмон аз Анҷумани 13-уми ҳизб оғоз карда, зикр намуданд, ки он дастуру супоришҳое, ки Роҳбари давлат дар Анҷумани ҳизбӣ иро карданд, вазифаи ҷонии ҳар яки мо буда, моро лозим аст, бо ҳушёриву зиракии сиёсӣ дар маъракаҳои муҳими сиёсии дарпешистода иштироки фаъолона намоем ва ҳар зарра обу хоки Ватанмонро чун гавҳараки чашм ҳифзу гиромӣ дорем.
