ШАҲРИТУЗ. Дар доираи Соли баланд бардоштани масъулияти шаҳрвандӣ. Дар ташкилоти ибтидоии «Маркази назорати давлатии санитарию эпидемиологии ноҳияи Шаҳритуз» хониши сиёсӣ бо иштироки фаъолони ташкилоти ибтидоии мазкур баргузор гардид. Дар хониши сиёсӣ аз тарафи масъулини Кумитаи иҷроияи Ҳизби Халқии Демократии Тоҷикистон дар ноҳияи мазкур оид ба самтҳои афзалиятноки фаъолияти ҳизб, иҷроиши Қонунҳои Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», «Дар бораи танзими анъана ва ҷашну маросим дар Ҷумҳурии Тоҷикистон», пешгирии бемориҳои сироятӣ, тайёрӣ ба пешвози ҷашни 30-солагии Истиқлолияти давлатии Ҷумҳурии Тоҷикистон ва омодагӣ ба дигар маъракаҳои сиёсии дарпешистода суханронӣ карданд.
