ХУРОСОН. Дар доираи Соли баланд бардоштани масъулияти шаҳрвандӣ. Дар ташкилоти ибтидоии «20-солагии Истиқлолият»-и ҷамоати деҳоти Фахрободи ноҳияи Хуросон атрофи самтҳои афзалиятноки фаъолияти ҲХДТ мулоқот доир гардид.
Намояндагони ҳизбӣ дар суҳбат дар бораи ҳадафҳои асосии ҲХДТ ибрози андеша карда, зикр намуданд, ки ҲХДТ ба хотири таъмини амнияти миллӣ, фаъолияти бомаром ва самараноки сохторҳои давлатӣ ва ниҳодҳои ҷомеаи шаҳрвандӣ, идораи равандҳои иҷтимоию сиёсӣ ва ҳимояи онҳо аз зуҳуроти номатлуби ифротгароию терроризм, қочоқи маводи мухаддир, одамрабоӣ ва дигар равияҳои тафриқаангези динию мазҳабӣ, ки ҳадафи онҳо бо роҳи зӯрӣ ба даст овардани ҳокимият ва аз байн бурдани сохти коститутсионӣ ва вайрон кардани тамомияти арзии давлат мебошад, дар доираи қонунҳои амалкунандаи Ҷумҳурии Тоҷикистон пайваста талош меварзад.
