ФАРХОР: Дар доираи Соли баланд бардоштани масъулияти шаҳрвандӣ. Дар варзишгоҳи марказии ноҳияи Фархор даври нимниҳоии мусобиқаи футбол барои дарёфти Ҷоми Кумитаи иҷроияи ҲХДТ дар вилояти Хатлон байни дастаҳои ТҶҶ “Созандагони Ватан”-и ноҳияи Фархор ва ноҳияи Кушониён баргузор гардид.
Рақобат миёни ин ду дастаи пурқувват хеле пуршидат сурат гирифта, дастаи ноҳияи Фархор бо ҳисоби 4 : 0 ғолиб гардида, ба даври финалии мусобиқа роҳ ёфт.
Мақсади асосии баргузории ин мусобиқа тарғибу ташвиқи футбол дар байни аҳолӣ, фароҳам овардани шароити мусоид барои ин намуди варзиш, пайдо намудани истеъдодҳо, дӯстиву рафоқат миёни ҷавонон ва солимии ҷомеа мебошад.
