БАЛҶУВОН. Дар доираи Соли баланд бардоштани масъулияти шаҳрвандӣ. Дар ташкилотҳои ибтидоии «Кумитаи заминсозӣ» ва «Корхонаи давлатии фаръи бақайдгирии молу мулки ғайриманқул» дар ноҳияи Балҷувон, бо иштироки намояндагони ҳизбӣ оид ба самтҳои афзалиятноки фаъолияти ҲХДТ вохӯрӣ баргузор гардид.
Зимни суҳбат масъулин қайд намуданд, ки барои пешгирии қонунвайронкунӣ дар самти замин чораҳои мушаххас андешида, кӯшиш ба харҷ додан лозим аст, ки дар ин самт қонуншиканӣ аз тарафи масъулини соҳа ва истифодабарандагони замин ба қайд гирифта нашуда, барои оқилона истифода намудани заминҳои наздиҳавлигӣ ва дигар заминҳои бекорхобида мутахассисони соҳа миёни сокинон суҳбату вохӯриҳои судмандро роҳандозӣ намоянд ва бо ин роҳу восита мардум аз заминҳои худ ҳосили дилхоҳ ба даст оварда, сатҳи зиндагии худро беҳтару хубтар гардонанд.
