ПАНҶ. Дар доираи Соли баланд бардоштани масъулияти шаҳрвандӣ. Вохӯрии навбатии масъулини Кумитаи иҷроияи ҲХДТ дар ноҳияи Панҷ бо иштироки аъзо ва ҷонибдорони ташкилоти ибтидоии «Сомонӣ-2” баргузор гардид.
Масъулин зимни суханронӣ оид ба яке самтҳои афзалиятноки фаъолияти ҳизб-таассубу хурофот андешаронӣ намуда, қайд карданд, ки дар ҳамаи давру замон боздорандаи рушду пешрафти ҷомеа ва омили нооромиҳову гирифториҳо таассуби динӣ мебошад.
Бинобар ин оид ба пешгирӣ аз таассубу хурофоти динӣ аҳли ҷомеаро зарур аст, ки мафкураи ҷавононро аз олудашавӣ бо ин падидаи номатлуб ҳифз намоянд. Онҳоро дар рӯҳияи ватандӯстӣ, эҳтиром ба арзишҳои миллӣ ва нигоҳ доштани фарҳанги тозаи ниёгонамон тарбия созанд.
