КӮЛОБ. Дар доираи Соли баланд бардоштани масъулияти шаҳрвандӣ. Дар ташкилоти ибтидоии “Мактаби Президентӣ” бо аъзо ва ҷонибдорони ҲХДТ хониши сиёсӣ оид ба баррасии самтҳои афзалиятноки фаъолияти ҳизбӣ баргузор гардид.
Нахуст, намояндагони ҳизбӣ дар вохӯрӣ изҳор доштанд, ки ҳаёти солими миллат аз фазои солими оила маншаъ мегирад. Оила чун зинаи аввали бунёди ҷомеа нақши меҳварӣ дар густариши он дорад. То кадом ҳад вазъи иҷтимоӣ-иқтисодӣ ва фарҳангию ахлоқии оилаҳо дар сатҳи баланд бошад, ба ҳамон андоза он ба рушд ва пешрафти давлату миллат мусоидат менамояд.
Таъкид шуд, ки оила бояд аз як тараф маркази тандурустӣ, беҳдошти ҷисмонӣ ва ақлӣ ва аз тарафи дигар маркази омода кардани фард ба ҳаёти иҷтимоӣ бошад. Оила аввалин ва муҳимтарин ҷои тарбияи аниқ, эҳё ва гулгулшукуфоии истеъдодҳост.
