ПАНҶ. Дар доираи Соли баланд бардоштани масъулияти шаҳрвандӣ.
Дар варзишгоҳи «Пахтакор»-и ноҳияи Шаҳритуз мусобиқаи футбол байни дастаҳои бозингарони ноҳияи Панҷ ва ноҳияи Шаҳритуз барои дарёфти “Ҷоми Кумитаи иҷроияи ҲХДТ дар вилояти Хатлон” доир гардид.
Нахуст, намояндаи Кумитаи иҷроияи ҲХДТ дар вилояти Хатлон Амирзода Аловуддин баромад намуда, иброз дошт, ки ба варзиш машғул шудани ҷавонон боис мегардад, ки онҳо ҳам аз ҷиҳати мафкуравӣ ва ҳам аз ҷиҳати саломатӣ дуруст ба воя бирасанд.
Ҳамзамон, баргузор намудани мусобиқаи мазкур ин тарғиби тарзи ҳаёти солим ва мустаҳкам кардани робитаи дӯстона миёни ҷавонони шаҳру ноҳияҳои вилояти Хатлон ба ҳисоб меравад.
Мусобиқа байни дастаҳо шавқовар гузашта, бо нишондоди 3:2 бо ғолибияти дастаи ҷавонони ноҳияи Шаҳритуз анҷомид.