А.ҶОМӢ. Дар доираи Соли баланд бардоштани масъулияти шаҳрвандӣ. Бо мақсади ҳавасманд ва ҷалб намудани ҷавонон ба варзиш, дастгирии моддиву маънавӣ, фароҳам овардани шароити мусоид баҳри инкишофу рағбати онҳо, тарбияи ахлоқӣ, таъмини рушди оммавияти тарбияи ҷисмонию варзиш дар байни ҷавонон, пешгирӣ аз шомилшавӣ ба ҳар гуна ҳизбу ҳаракатҳои ифротӣ, аз ҷумла террористӣ, экстремистӣ, равияҳои нодурусти мазҳабиву динӣ ва дигар гурӯҳҳои ғайриқонунӣ, таъмини дўстии ҷавонони минтақаҳо ва сазовор истиқболи гирифтани 25-солагии таъсисёбии ҲХДТ ва 30-солагии Истиқлолияти давлатӣ барои дарёфти Ҷоми Кумитаи иҷроияи вилоятии ҲХДТ мусобиқа байни дастаҳои футболи ноҳияҳои Абдураҳмони Ҷомӣ ва Хуросон баргузор гардид.
Бозӣ бо пирӯзии дастаи ноҳияи Абдураҳмони Ҷомӣ 3:1 ба анҷом расида, бозингарон соҳиби роҳхат ба бозии даври навбатӣ гардиданд.
